Sumarlestur hefur verið haldinn í lok hvers skólaárs frá árinu 1993 í Bókasafni Árborgar Selfossi.
Sumarlestur er ókeypis lestrarhvetjandi námskeið fyrir krakka í 3. – 5. bekk.
Krakkarnir koma á bókasafnið einu sinni í viku í 4 vikur þar sem börnin fá skemmtilega fræðslu og lestrarhvetjandi uppákomur.
Í hverri viku er dregið úr happdrætti þar sem börnin fá skemmtilega vinninga. Sumarlesturinn endar með miklu fjöri í ratleik þar sem krakkarnir leita að vísbendingum og leysa þrautir.
Markmið sumarlestrar er að viðhalda lestrarhæfni og kynna ævintýraheim bóka fyrir börnum.
Í sumar er þemað Tinni og aðrar teiknihetjur.
Sumarlesturinn hefst fimmtudaginn 9. júní kl. 13:00 og þá mæta allir sem ætla að taka þátt í sumarlestrinum en síðan er valin hópur fyrir eða eftir hádegi eftir því hvað hentar. Fyrri hópur er kl. 11 og seinni kl. 13.
Sumarlesturinn er alla fimmtudaga í júní frá og með 9. júní.
Skráning í sumarlestur er nauðsynleg, hægt er að skrá hér: https://bit.ly/3PGXI7b . Einnig er hægt að skrá þátttakendur í afgreiðslu bókasafnsins. Skráningu lýkur 8. júní.
Allar nánari upplýsingar um sumarlesturinn er hægt að nálgast á http://bokasafn.arborg.is/
Hlökkum til að sjá ykkur. Kveðja Starfsfólk Bókasafns Árborgar Selfossi.