Í sumar verður GobbiGobb aftur með námskeið á Baugsstöðum fyrir káta krakka á aldrinum 5 - 13 ára.
Tvennskonar námskeið verða í boði; sveitanámskeið fyrir krakka 6-13 ára og pollanámskeið fyrir 5-7 ára.
Hestar skipa stóran sess í lífinu á bænum og við munum vinna mikið með þá, það þarf að gefa þeim, kemba þeim og greiða, og þeir sem vilja mega fara á bak. Fjaran er líka stór partur af námskeiðinu og það er mjög vinsælt að fara niður í fjöru að veiða hornsíli eða vaða. Auk þess þá förum við í allskonar leiki og gerum eitt og annað skemmtilegt. Í lok námskeiðsins förum við í ratleik og grillum sykurpúða.
Á hvert námskeið komast aðeins 10 krakkar.
Námskeiðin eru frá mánudegi til föstudags, frá kl. 9:00-12:00, eða 13:00-16:00.
Verð 17.800 kr.
Hægt er að nýta frístundastyrk Árborgar fyrir þetta námskeið.
Umsjónarmaður námskeiðanna er Sjöfn Þórarinsdóttir, tómstundafræðingur.
Skráning og nánari upplýsingar er að finna inni á gobbigobb.is/namskeid